Kurdolog N. Y. Marr, dema behsa Kurdan dike, dibêje “Kurd sêwiyên dîrokê ne (Lazarev § Mihoyev, 2001: 10).” Ji aliyê dîroka fermî ve ev tesbîteke rast e. Lewra dîrok bi çav, perspektîf û dîrêktîfên desthilatdaran hatiye nivîsîn û tê nivîsîn. Weqanûsên wan, çîroka wan vedibêjin û di vê çîrokê de rola sereke ya wan e, yan jî nivîskar vê rolê didin wana. Çîrokê li gor dilê wan dixemilînin, dihûnin û vedibêjin. Ji ber vê hatiye gotin ku, “dîrok” hinek jî “çîrok” e û bi navê dîrokê van çîrokan bi me didin guhdarkirin. Gelên bê dewlet, xwe di nava van çîrokên ne yên wan in de winda dikin. Ji van gelan yek jî Kurd in û Kurd, çend hezar sal in li ser heman axê dijîn û ev ax, welatê wan ê dîrokî ye. Lê erdnîgariya wan bi sedan sal e di binê hukm û desthilatdariya dewletên cuda de ye. Ev jî sedem e ku ew wekî bindest, bende û yan jî nîvazad bijîn. Bi taybet jî bi pergala mîrektiyê ve vê rewşa wan bi sedan sal dewam kiriye. Ji van mîrektiyan yeka bi nav û deng jî mîrektiya ku Cizêrê jê re paytextî kiriye, ango mîrektiya Cizîra Botan e.
Dîjîtalîzekirina Kovara Kürt Tarihi bi piştgiriya Olof Palme International Center hatiye kirin.
"Ev malper di çarçoveya Bernameya Haklara Destekê ya Yekîtîya Ewropayê bi piştgirîya Yekîtîya Ewropayê hatîye amadekirin. Berpirsîyarîya naverokê bi tevahî aîdî Weqfa Îsmaîl Beşîkcîyî ye û dîtinên Haklara Destek û/yan Yekîtîya Ewropayê nîşan nade."
